Die Proteahoogte mark is nou al meer as 20 jaar aan die gang. Die mark fokus op vier punte:

1. Om fondse te werf vir die werking van die kerk.
2. 'n Platvorm vir plaaslike entrepreneurs om hul produkte aan die publiek verkoop. 
3. 'n Plek waar tieners noodsaaklike ervaring kan kry vir hul cv.
4. 'n Spasie waar die gemeenskap kan tuis voel, saam kuier en nuwe vriende maak.

Ons het elke jaar twee markte, die Wintermark gewoontlik einde Junie/ begin Julie en dan ons Kersmark gewoontlik einde November / begin Desember. Ons is trots dat die mark deur die kerkkantoor, vrywilligers en tieners in die Brackenfell gemeenskap gereël en onderhou word. Ons mark het slegs 140 uitstal spasies, en dit is juis wat ons mark uniek maak. Ons mark is groot genoeg om 'n impak te maak, maar klein genoeg om mekaar te ken.